Showing posts with label PUKHTOONS TRIBES. Show all posts
Showing posts with label PUKHTOONS TRIBES. Show all posts

Sunday, May 23, 2010

Mohmand

مهمند دوه قامونه دي.. بر مهمند او کوز مهمند. دا دواړه قامونه اګر که د يو پښت نه دي، خو بر مهمند په غرونو او زيات په غيره علاقه کښ اوسېږي. او د سرکار سره خبره اتره ئې د پولټيکل افسر په زريعه وي چه د هغه نائب يعني اسټنټ په شبقدر کښ اوسېږي. دا مهمند د سوداګري د پاره پېښور ته راځي او په ښهر او چونړي کښ لرګي او ښکارۀ خرڅوي او د نوکري د پاره اکثر کابل ته ځي.
کوز مهمند په رعيت کښ اوسېږي او د پېښور سهيل ته د دوئ تپه ده. قطب ته تر نه باړه بهېږي. نمر پرېواتۀ او سهيل ته د دوئ ترې نه اکا خيل او آدم خيل افريدي پراتۀ دي او نمر خاتۀ ته خټک دي. د دوې مهمندو دا ټوله تپه شل ميل اوږده او دولس ميل پلنه ده. زمکه ئې ډيره په باړه اوبېږي او ډيره غله بوده ده. خلق ئې ښه خواري کښ زميندار دي . د مهمندو خانان او ملکان هم د خليلو په شان په اربابانو يادېږي. او د پېښور چونړي سره متصل په لنډئي نوم کلي کښ اوسېږي. دا ارباب خيل هميشه راسې د انګريزي سرکار وفادار دي او په سول او پولس دواړه کښ ئې ډير ډير خدمتونه کړي دي او ډيره درانۀ خلق دي. د مهمندو د مخ کاسي او عادتونه دستورونه د يوسف زو په شان دي او په فوځ او باډر کښ د دوئي پنځو سوؤ ته نزدې کسان نوکران دي.

Monday, July 27, 2009

Muhammad Zai

دا قوم د هشتنګر په تپه کښ اوسږېږي چه دا اته کلي په کښې دي. تنګي، شير پاؤ، عمر زي، ترنګزي، اتمانزي، رزړ، چارسده، پړانګ. دا علاقه د سوات په سيند اوبېږي ځکه ئې ټوله زمکه څربه او زوروره ده. او خلق ئې اسوده او خوشحال دي. په تيره تيره ئې خانان چه په ټوله صوبه کښ د هر چا نه لوئ او مالدار زميندار دي. او د هغو عزيزانو او اقرباؤ اعلي اعلي تعليمونه کړي دي او په سول او پولس او فوځ کښ لوئ لوئ عهدې لري او د لوئ عزت خاوندان دي. د سرخ پوشو مرکز هم په دې تپه کښ دې. او دلته يو ازاد سکول هم شته. د سول نافرمانې په دوران کښ د دې ځائ خلقو ډير کار کړې دي. که ريښتيا مې پوښتې نو دا خوشحالي او بيغمي او لياقت او تعليم او دا د ازادي خيال د سرکار د امن په برکت د دوئ نصيب شوې دي. ځکه د درانو او سکهانو په حکومت کښ په دې خلقو داسې داسې ظلمونه شوي دي چه تر اوس پورې ئې سپين ږيري مشران خبې کوي او چه بنده ئې واوري نو وجود ئې زيږ زيږ شي. په دې علاقه کښ ډير غير قامونه هم اباد دي لکه دراني، شيخ، اوان، ګوجر، او کشميري.

 
Design by Free WordPress Themes | Bloggerized by Lasantha - Premium Blogger Themes | Hostgator Discount Code